Hum nahin kehte hamari, teri dunya ho jaye,

Hum nahin kehte hamari, teri dunya ho jaye,

Itne rangon mein koi rang to apna ho jaye,

Ishq woh "turfa-balaa" hai ke kare jis ki talb,

Us ko maloom na ho, Sheher mein charcha ho jaye,

Do sitaron ko jo dekhoon teri ankhen ban jayen,

Chand ko dheyan mein laaon tera chehra ho jaye,

Har dora hai yeh nigehbaan khari hai kismat,

Kese mumkin hai ke har shasks ka socha, ho jaye,
Hum ko har bazm mein, Har haal mein sach kehna hai,

Sheher ka sheher khafaa hota hai, Acha ho jaye,

Ishq woh kaar-e-musalsal hai nahin jis ki akheer,

Us ki taufiq hai jis shakhs se jitna ho jaye,

Husn ki ankh woh tahsees talb hai amjad,

Bheerr ho charon taraf aur koi tanha ho jaye..

Kya kya hamare khawb they, jane kahan pe kho gaye,

Kya kya hamare khawb they,
jane kahan pe kho gaye,
Tum bhi kisi ke sath ho, Hum bhi kisi ke ho gaye,
Jane woh kon they,
aaye they kis liye yahan,

Woh jo fashaar-e-waqt mein, Bojh sa aik ddho gaye,

Us ki nazar ne yoon kiya gard-e- malal-e-jaan ko saaf,
Abar baras ke jis tarah, Saarey chaman ko dho gaye,

Katne se aur barhti hai uthey huye sarun ki fassal,
Apne lahu se ahl-e-dil, Beej yeh kese bo gaye,

Jin ke bagher ik pal, Jeena bhi muhaal tha, Shaklain bhi un ki bujh gayin, Naam bi un ke kho gaye,

Ankhon mein bhar ke rut jage, Raston ko de ke duriyan,

Amjad woh apne hamsafar, Kese mazey se so gaye…

kisi ki ankh jo purnam nahi hai.

kisi ki ankh jo purnam nahi hai.
na samajho ye ke us ko Gham nahi hai.
savad-e-dard main tanha khara hun.
palat jaun magar mausam nahi hai.
samajh main kuch nahi ata kisi k.
agarche guftagu mubham nahi hai.
sulagta kyun nahi tarik jangal.
talab ki lau agar maddham nahi hai.
ye basti hai sitam parvar digan ki.
yahan koi kisi se kam nahi hai.
kinara dusara dariya ka jaise.
vo sathi hai magar mahram nahi hai.
dilon ki raushani bujhne na dena.
vajud-e-tiragi mahkam nahi hai.
main tum ko chah kar pachta raha hun.
koi is zaKhm ka marham nahi hai.
jo koi sun sake Amjad to suna dena.
ba-juz ek baz gasht-e-Gham nahi hai

Labon Pe Phool Khilte Hain Kisi K Naam Se Pahle.

Labon Pe Phool Khilte Hain Kisi K Naam Se Pahle.
Dilon K Deep Jalte Hain Charagh-E Shaam Se Pahle.
Kabhi Manzar Badalne Par Bhi Qissa Chal Nahin Pata.
Kahani Khatam Hoti Hai Kabhi Anjaam Se Pahle.
Yahi Taare Tumhaari Aankh Ki Chilman Mein Rehte The.
Yahi Sooraj Nikalta Tha Tumhare Baam Se Pahle.
Hoi Hai Shaam Jungle Main Parinde Laut-Te Honge.
Ab In Ko Kis Tarah Rokain Nawaah-E-Daam Se Pahle.
Ya Saare Rang Murdaa The Tumhaari Shakl Banne Tak.
Ya Saare Harf Muhmal The Tumhaare Naam Se Pahle.
Hua Hai Wo Agar Munsif To "Amjad Ahtiyatan Hum.
Sazaa Tasleem Karte Hain Kisi Ilzam Se Pahle.

Bheerh Main Ik Ajanabi Ka Samna Acha Laga.

Bheerh Main Ik Ajanabi Ka Samna Acha Laga.
Sab Se Chup Kar Vo Kisi Ka Dekha Acha Laga.
Surmai Ankhon Ke Niche Phool Se Khilane Lage.
Kehte Kehte Kuch Kisi Ka Sochna Acha Laga.
Baat To Kuch Bhi Nahin Thi Lekin Us Ka Ek Dam.
Haath Ko Honthon Pe Rakh Kar Rokna Acha Laga.
Chaye Me Chini Milana Us Ghari Bhaya Bahut.
Zer-E Lab Vo Muskurata Shukriya Acha Laga.
Dil Main Kitane Ahad Bandhe The Bhulane K Use.
Wo Mila To Sab Iraade Torna Acha Laga.
Beirada Lams Ki Wo Sansani Pyari Lagi.
Kam Tawaj'jo Aankh Ka Wo Dekhna Acha Laga.
Nem Shab Ki Khamushi Main Bhigati Sarkon Pe.
Kal Teri Yaadon Ke Jaalo Main Ghumna Acha Laga.
Us Uduu-E-Jaan Ko "Amjad Main Buraa Kaise Kahoon.
Jab Bhi Aaya Saamane Wo Bewafa Acha Laga.